Transcription
1
Monseigneur, iay bien vouleu vous advertir que hier peu s’en faleut quil ny eut une grand
2
division et baterie entre noz escholiers et les enfans de ville, sans la prudence du
3cappitaine Mistral qui y survint et tança aigrement lesdits enfans de [barré : la ] ville ; et
4
par ce moien, appaisa le tout qui n’estoit brassé que par lesdits enfans de ville contre le
5baron d’Aurilhy à la suscitation d’un ieune et bien fort ieune [barré : doc ] et tendre docteur filz
6
de monsieur de La Forge qui faisoit baler dimanche au soir. Et mondit sieur le baron aiant
7commencé ung [barré : banle ] branle, le luy voulsist faire rompre, pretendent que cestoit à luy de
8
commender à ce bal ; sur quoy, voiant limpertinance, mondit sieur d’Aurilly ne sceut faire
9
de moins que de luy dire quil estoit ieune et mal appris ; à quoy le susdit ieune et
10voirement mal aprins docteur ne respondit rien, mais deux iours après qui [barré : v ]
11feut hier, incité ou supporté de ie ne scay quelz, il dressa une [barré : emp ] embusche en
12ceste place des clers partie cachée dans [barré : leu ] les maisons, partie descouverte contre
13
ledit sieur d’Aurilly, et toute composée des enfans de ceste ville, qui ne se plaisent de
14
tout temps à aultre chose qu’à seditions et prendre quelque petite occasion que ce
15
soit pour cause. Cela n’est pas encores esteinct et ie crains qu’il nadviene pire
16
tant la susdite maison de La Forge et le susdit notable docteur se sent interessé de
17
ce qu’on la appellé ieune et mal apprins. Et à ceste cause, oultre la bonne diligence
18
de monsieur le capitaine Mistral, qui merite autant de faire la charge qu’il faict
19
icy quhomme qui soit, et qui le faict bien, et religieusement, monseigneur, il seroit
20
bon que vous en escrivissiez particulierement affin qu’on ne nous gourmende poinct,
21
ainsin noz escholiers, mesmement ceux qui sont de telle importance que mondict
22sieur le baron, et principalement au capitaine Lorient qui est [barré : est ] le Vespasian de ceste
23
ville entre les ieunes gens et qui ny apporte nul bien par sa presence et y
24
laisseroit beaucoup de bien par son absence, comme ie vous pourrai sil vous plaict
25
descrire plus par le menu quant vousserés par deça. Et surce,
26
monseigneur, ie me recommande très humblement à votre bonne grace et prie Dieu vous
27
donner la siene très saincte. De Valence, ce jour des cendres 1574.
28
29
Monseigneur, ie cuyde que vous scavés
30
que les adversaires ont sur priz Alez
31
qui importe beacoup pour ceste plaine
32
et pour le chemin des postes.
33
34
Votre très humble serviteur
35
Jac. de Cuias.